Beintza-Labaiengo eta Saldiasko haurrek antzerkia egin zuten, ingelesez, apirilaren 2an. Txikienek dantza eta musika emanaldia egin zuten, eta zaharrenek obra nagusia: The Lucky Accident (zorioneko istripua).
Lagun koadrila bat mendira joan eta, halako batean, zulo batera erortzen da haietako bat. Soka batez erreskatatzen dute, eta anbulantziari deitzen diote zulotik atera dutena sendatzeko. Erreskate horri esker, antzinako margoak deskubrituko dituzte zulo horretan, eta hori izanen da biharamuneko prentsako berri nagusia. Baserritarraren rolean aritu zen Julen Erasun. Antzezpena franko ongi atera zela ikusi zuen, «aurretik pixka bat entsaiatzen aritu baiginen».
Jende saila joan zen ikustera, gehienbat gurasoak. Eta emankizunaren akabailan, diploma bana eman zien teatroko zuzendariak haurrei egindako lan ona saritzeko.
Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!