Bi urtetik behin antolatzen den Titiriteroen Topaketa ospatuko da hilabete honetan Zugarramurdin. Momentuan dakiguna da apirilaren 18-19ko aste hondarrean eginen dela, eta 11 taldek parte hartuko dutela, goiz eta arratsaldez herriko hainbat toki diferentetan. Programa hurrengo Ttipi-Ttaparen alean emanen dugu.
Topaketa honetarako oroimen gisa eta finantziazioa lortzeko, atorrak salgai jarri dira. Erosi nahi dituenak 10 eurotan Marixan ostatuan ditu.