Haurrentzako euskarazko albumak sortzeko Nafarroako Udaletako Euskara Zerbitzuek antolatzen duten Etxepare Saria abian da. Nafarroan euskarazko literaturari dagokion sari aipagarririk ez zegoelako abiatu ziren Etxepare literatur sariak 2004an eta hasieran beka zena, sari bilakatu da orain. Lehiaketa zabalik dago eta azaroaren 30a arte izanen da lanak aurkezteko epea eta epaimahaiak erabakia hartzeko azken eguna 2010eko martxoaren 31 izanen da. Helbide honetara bidali behar dir lanak: Etxepare Saria. Leitzako Udala-Euskara Zerbitzua. Elbarren 1, 31880 Leitza.
Argitalpenak euskaraz eta gazteleraz
Saritutako lana Pamiela argitaletxeak argitaratuko du euskaraz, eta Faktoria K de libros-ek gaztelaniaz eta galegoz. Horrez gain, 6.000 euro jasoko ditu irabazleak. Informazio gehiago: www.etxeparesaria.net web-orrian. Antolatzaileen artean, Baztango Udala, Bortzirietako Euskara Mankomunitatea, Malerrekako Mankomunitatea eta Nafarroako Iparraldeko Euskara Mankomunitatea daude.