Josu Goldaraz Lizaso, Doneztebe, Elgorriaga eta Narbarteko apeza martxoaren 12ko goizaldeko 5etan hil da, 65 urte zituela. Iraizozen sortua 1943ko uztailean, apeztu eta gero Arizkunen hasi zen apez lanean eta gero, Nurlatan, Lizarran eta Olaguen barna pasatu ondotik, Doneztebe, Elgorriaga eta Narbarteko parrokietako arduradun zen Goldaraz. Pertsona euskalzalea eta langilea zen. Herria 2000 Eliza Elkarteko erreakzio kontseiluko partaidea zen eta Jimeno Jurio buru zela, Nafarroako Toponimia Batzordean laguntzaile ere izan zen, inguru honetako hainbat herritako toponimiaren berri ematen.
Mezak ortziralean Iraizotzen eta igandean Donezteben
Ortziralean, martxoaren 13an, bere aldeko meza izanen da sorterrian, Iraizotzen, arratsaldeko 17:30ean eta bertan lur emanen diote. Igandean, martxoaren 15ean, Doneztebeko elizan ere bere aldeko meza izanen da, arratsaldeko 17:30ean.