Joan den astean egindako eguraldi kaxkarrak alertan jarri zuen herriko jendea. Otsailaren 11n, gure herritik pasatzen den Bidasoa ibaiak gora eta gora egin zuen etengabe arratsalde guztian, eta gauerako, herriko plaza, karrika nagusia, frontoia eta ugalde bazterreko karrika nahiz txoko guztiak urpean gelditu ziren. Zubi berriaren parean ere ibaia gainezka egitear egon zen. Suhiltzaileak ibili ziren gau guztian ibaiaren egoera kontrolatzen eta beraien esku zegoena egiten. Plaza berria egin zenetik, horrelako uholdea gertatzen den lehenengo aldia izan da.