Errekak antolatutako Eskuz Binakako Zazpigarren Txapelketak aitzinera segitzen du. Finalak martxoaren 7an jokatuko dira Donezteben, baina otsailaren 1ean eta 4an finalerdi guztiak jokatzekoak ziren. Benjaminetan, hilaren 1ean egitekoak zituzten finalerdiak: alde batetik, Alberdi eta Balerdi (Azpeitia) Errekako Lana eta Indaren (Doneztebe) kontra aritzekoak ziren eta bertzetik, Leonet eta Ugalde (Oiartzun) Umore Onako Apezetxea eta Salaberriaren (Goizueta) kontra. Segidan, leku berean, alebin mailako finalerdiak jokatu ziren: Zalduendo eta Anduaga (San Miguel, Lizarra), Ayesa eta Iruritaren (Beti Onak, Atarrabia) kontra batetik, eta Arrue eta Gaztañaga (Andoain), Pedroarena eta Ezkirozen (Zugarralde, Burlata) kontra, bertzetik.
Ondotik, infantil mailako finalerdiak jokatu ziren: Larunbe eta Alduntzin (Burlata), Ugalde eta Zapirainen (Oiartzun) aurka eta Lizarraga eta Tollar (Bi Aizpe, Irurtzun), Aurrerako Olano eta Iparragirreren (Leitza) kontra.a gipuzkoarren kontra.
Kadete mailako finalerdiak ere Donezteben jokatzekoak ziren: Ijurra eta Lasa (Etxarri Aranatz), Errekako Zestau eta Karrionen kontra eta Ariztimuño eta Ulanga (Andoain), Cristobal eta Lizasoren (Añorga) kontra.
Jubenil mailan bi multzotan banatu dira parte-hartzaileak eta multzo bakoitzeko finalak ere joan den igandean egitekoak ziren Donezteben. A multzoan, Loidi (Añorga) eta Aretxabaleta (Markina), Manterola eta Arzelusen kontra aritzekoak ziren eta B multzoan, Sukia eta Arratibel (Tolosa), Arrieta eta Azpitarteren (Hernani) aurka. Multzo bakoitzeko irabazleek final nagusia, bertze kategorietan bezala, martxoaren 7an jokatuko dute.
Senior mailakoak asteazkenean
Bigarren mailako senior kategorian asteazken honetan, otsailak 4, jokatzekoak ziren final-laurdenetako partidak Berako Eztegaran. Finalerdiak, berriz, hurrengo asteazkenean, hilak 11, jokatuko dira Donezteben, 19:00etatik aitzinera.
Senior elite kategoriako finalerdiak, berriz, otsailaren 4an jokatzekoak ziren Donezteben: Ontsalo eta Arraztoa (Aurrera Saiaz, Tolosa), Esnal eta Gorrotxategiren (Hernani) kontra eta Gure Txokoako Pikabea eta Otxandorena, Renobales eta Galarrag