Etxalarko Kultur Etxeak ikasturte honetan eskainiko dituen informatika ikastaroen berri eman du. Ikastaro edo tailer bakoitzean lau leku bertzerik ez dira izanen eta bazkideek 24 euro ordaindu beharko dute eta bazkide ez direnek 29 euro.
Argazkilaritza digitala eta Internet
Lehenbiziko ikastaroa otsailaren 9tik 20ra eskainiko da. 20 orduz, argazkilaritza digitala, erosketak internet bidez eta planoak eta kaletako mapak Interneten kontsultatzen ikasiko dute.
Curriculum bat word-ean eta Internet
Martxoaren 9tik 18ra 16 orduko ikastaroa eskainiko da Etxalarko Kultur Etxean. Curriculum bat edota iragarki bat Word erabiliz egiten, Nafarroako administrazioa Interneten eta musika eta irratia internet bidez nola entzun ikasiko dute.
Fitxategiekin lan egin
Apirilaren 22tik 30era, azkenik, 14 orduko ikastaroa eskainiko da. Ordenagailuan fitxategiekin lan egiten, informazioa eta berrien bilaketa Interneten eta euskarri berean buruketak egiten ikasiko dute.