Eskualdeko hainbat esne-ekoizle biltzen dituen Belate Esnekiak enpresak Espainiako Elikagaiak 2008 saria jaso du behi-esnearen ekoizpen mailan. Lacturale izeneko esne marka berria merkaturatuz jaso du aipatutako saria Belatek.
Enpresa 2006an sortu zen eta gaur egun, Nafarroako 35 abeltzain biltzen ditu. Tartean daude, Arizkun, Donamaria, Beintza-Labaien, Oitz, Leitza eta Urrotzeko ekoizleak.
2007an Igara izeneko esnea merkaturatu zuen eta harekin bertze sari bat eskuratu zuen: Urteko Zaporea 2008 aipamena. Momentuz, Nafarroa, Araba, Gipuzkoa eta Huescara hedatzen dute euren esnea, baina etorkizunera begira, Nafarroan kontsumitzaile gehiago bilatzeaz gain, kanpora zabaltzea da euren helburua.
Eskualdeko ekoizleak
Belate Esnekiak enpresan sartuak dauden 35 ekoizletatik 10 gure ingurukoak dira eta horien artean, gehienak Malerrekakoak dira.
URROTZ
· Severiano Matxinena
· Jose Antonio Arzuaga
· Miguel Angel Ezkurra
· Jose Martin Elizondo
· S.A.T. Elkartea
DONAMARIA
· Kontxi Bazterrika
BEINTZA-LABAIEN
· Angel Elizondo
OITZ
· Oskar Ilarregi
LEITZA
· Esteban Zabaleta
ARIZKUN
· Pedro Jose Mendikoa