Nafarroako Gizarte Hezitzaileen Elkarte Profesionalak deituta, hezitzaileen bilera bat eginen da ortziral honetan, hilak 23, Irurtzunen. Izan ere, elkartearen arabera, bada garaia Nafarroako ipar-mendebaldean lanean ari diren profesionalen lana eta haren gorabehera guztiak ezagutzeko. Horren harira, hainbat jarduera antolatu omen dituzte, elkar ezagutu eta esku artean dituzten proiektu, zalantza eta erronken berri elkarri emateko. Beraz, bilkura, Irurtzungo Kultur Etxean –Elizaren ondoan– izanen da 18:00etan.