Ituren-Aurtitz, Zubieta eta Lantzeko inauteriak Interes Kulturaleko Ondasun izan daitezke. Juan Ramon Corpas Kultura eta Turismo Departamentuko kontseilariak abenduaren 31n Iturenen iragarri zuenez, bere Departamentuak Ituren-Aurtitz, Lantz eta Zubietako inauteriak Interes Kulturaleko Ondasun Materiagabe izendatzeko espedientea abiatuko du, ospakizun tradizional horiek kultur ondare gisa mantentze aldera.
Gisa honetako ospakizunak horrelako prozedura batean sartuko dituzten lehen kasua izanen dira gure inauteriak, Lantzekoekin batera. Urtezahar Eguneko ekitaldira Pedro Luis Lozano Kultura zuzendari nagusia, Miguel Angel Petrirena Iturengo alkatea eta Patxiku Mitxelena Zubietako alkatea ere bildu ziren.
Erraten dutenez, Ituren-Aurtitz eta Zubietako inauterietako jatorriari buruzko dokumentu idatzi aunitzik ez dago. Baina belaunaldiz belaunaldi igarotako testigantzek eta XX. mendearen hasierako argazkiek ospakizun tradizional honi eustea ahalbideratu dute.
Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!