Iturengo Ibintza Kultur Taldeak Errege bezperan, urtarrilaren 5ean jendaurrean egin zuen bere Eguberrietako oparien zozketa. Honela, lehenbiziko saria, saski eder bat, 1.583 zenbakiari egokitu zaio. Bigarren saria, bainuetxerako bi sarrera, 1.469 zenbakiari eta hirugarren saria, Altxunea erretegin bi lagunendako afaria, 2.579 zenbakiari.
Bigarren saria ez da atera oraindik
Lehen saria Urrozko Mikel Saldiasek eraman du eta hirugarrena Iturengo Alazne Altxuk. Bigarren zenbaki saritua oraindik ez da atera. Iturengo ostatuan saldutakoa da 1.469 zenbaki hori. Zenbakia ateratzen ez bada, zozketa berriro eginen da urtarrilaren 31n.