Sunbillako Udala tokiko abeltzaintza azpiegiturak hobetzeko dirulaguntzarik gabe gelditu da bigarren urtez segidan. Horren inguruko esplikazioa galdetuz, galdera parlamentarioa egin dio Nafarroako Gobernuari Nafarroa Bai taldeko Aitor Etxarri parlamentari leitzarrak. Nafarroako Gobernuko Landa Garapen zuzendari nagusiak agindutako erresoluzioan ageri denez, ez da arrazoi zehatzik ematen, bakar bakarrik zenbait toki erakunderi, tartean Sunbillako udalari ez zaiela dirulaguntzarik eman, horretarako aurrekontu krediturik ez dagoelako.