Errekako pilotariek Nafarroako Kirol Jolasetako hainbat partida jokatuko dituzte aste hondarrean

TTIPI TTAPA 2008ko aza. 27a, 16:10

Larunbat goizeko 9:00etatik aitzinera Donezteben jokatuko dira batzuk

Nafarroako Kirol Jolasen barrenean hainbat partida jokatuko dituzte asteburuan Errekako pilotariek. Donezteben bertan, larunbat goizeko 9:00etatik aitzinera bigarren mailako benjaminen kategorian, Errekako Zestau eta Santesteban, Oberenako bikotearen kontra ariko dira eta Migeltorena eta Leatxe, Mendillorriko bikotearen kontra; hirugarren mailako alebinetan, Errekako Narbarte eta Garcia, Zugarraldeko bikotearen kontra ariko dira; bigarren mailako alebinetan, Errekako Arrieta eta Baztarrika, Irurtzungo bikotearen kontra; hirugarren mailako infantiletan, Errekako Iribarren eta Saldias, Zugarraldeko bikotearen kontra ariko dira; lehen mailako jubenilen ligan, azkenik, Errekako Oronoz eta Iparragirre, Aldabideko Ezkurdia eta Lukinen kontra ariko dira eta Errekako Bendoiro eta Juanena, Zugarraldeko Tainta eta Etxamendiren kontra. Modu berean, 22 urtez beheitiko eskuz binakako txapelketan, Errekako Juanenea eta Madariaga, Pilotajaukuko Senar eta Irigoienen kontra ariko dira.

Etxetik kanpo ere

Etxetik kanpo, ortziral arratsaldean Burlatan bi partida jokatu beharko dituzte Errekako pilotariek Zugarraldekoen kontra, lehen mailako benjaminetan: lehen partidan Maylin eta Berasategi ariko dira eta bigarrenean, Lana eta Inda. Larunbat goizean Huarten, bigarren mailako jubeniletan, Errekako Zestau eta Carrion, Huarteko bikotearen kontra ariko dira. Larunbat goizean Etxarri Aranazen, bigarren mailako kadetetan, Errekako Juanena eta Olaizola, Etxarri Aranazko Gure Pilota elkarteko bikotearen kontra ariko dira. Noainen, bigarren mailako alebinetan, Errekako Zozaia eta Larretxea, Noaingo bikotearen kontra ariko dira. Atarrabian, bigarren mailako benjaminetan, bi partida jokatuko dira Erreka eta Paz Zigandako bikoteen artean: lehenbizikoan Antuña eta Antuña ariko dira eta bigarrenean, Aioroa eta Erasun.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun