Eguraldia dagoeneko seinaleak ematen ari bazaigu ere, Eguberriak gainean ditugula ohartzea kosta egiten zaigu, baina poliki-poliki horien prestaketetan ere hasi behar da.
Abenduaren 24an, urtero bezala, Olentzerorekin herriko itzulia eginen da, baina aste pare bat lehenago kantuen entseguak eginen dira. Berri hauek idazterakoan, entsegu horiek noiz izanen diren ez denez ezagutzera eman, eskolako haurrei ohartxoak bidaliko dizkie Guraso Elkarteak eta herrian barna ere kartelak jarriko dira entseguetara joan nahi duen guztiak jakin dezan noiz diren.