Bertze urte batez, Eguberriak baino asteburu bat lehenago, hau da, abenduaren 20an, gazte bazkaria eginen da Ulibeltzak Elkartean. 11 urte dira bazkari hau egiten hasi zela. Alfredo Arretxea sukaldariak bere kuadrilla eta bertze kuadrilla pare batekin antolatu zuen lehen urteetan, baina urtetik urtera gazte gehiago gehitzen joan da eta azken urteetan 80 gazte inguru biltzen dira egun horretan.
Alfredok berak laguntzaile batzurekin batera prestatzen du bazkaria. Mahai inguruan kantu zaharrak eta abesti ezagunak kantatzen dira. Lagungarri izateko, plater bakoitzaren ondoan liburuxka bat izaten da kantuen letrekin. Ondotik musika.
Bazkari honetan izena emateko kuadrilla bakoitzeko arduradunari erran beharko zaio eta aldi berean bazkarira joateko 24 euroak abenduaren 14a baino lehen ordaindu behar dira.