Cederna-Garalur Elkarteak 2008 eta 2011ra begira merkataritzako kalitatea eta lehiakortasuna hobetzeko dirulaguntzei buruzko jardunaldiak antolatu ditu Baztanen eta Leitzan, Nafarroako Gobernuaren eta Udalen laguntzarekin.
Nafarroako Gobernuko laguntzen berri
Nafarroako Gobernuak lehiakortasuna eta kalitatea hobetzeko laguntza berriak onartu ditu, eta subentzio horiei buruzko jardunaldi informatiboak izanen dira. Horregatik, dirulaguntza lerro ezberdinak ezagutzeko, nori zuzenduak dauden, zein proiektu laguntzen diren, nola eskatzen ahal diren eta zenbateko dirulaguntza lortzen ahal den jakiteko, komenigarria da jardunaldi hauetan parte hartzea.
Leitzan eta Elizondon
Ortzegun honetan, azaroaren 20an, Leitzako Herriko Etxean izanen da jardunaldia, arratseko 20:15ean.
Heldu den ostegunean, azaroaren 27an Elizondoko Arizkunenea Kultur Etxean, izanen da arratsaldeko 15:00etan. Nafarroako Gobernuko merkataritzako zerbitzuen ataleko burua den Maite Dominguezek emanen du hitzaldia bietan.
Izen ematea Cedernako telefonoan
Izena emateko edo informazio gehiago jasotzeko telefono honetara dei daiteke: 948 625122 (Begoña). Edo bertzela, helbide honetara idatzi: bidasoa.admon@cederna.es.