Egun berezia izanen dute larunbatean, azaroak 15, Zubietan, Udalak Errotaren Eguna antolatu baitu Cederna-Garalur Elkartearen proposamena onartuz eta Nafarroako Gobernuaren laguntzarekin.
Ekitaldiak goizez
Errotaren Soinu izenburupean eginen diren ekitaldiak goizean hasiko dira. 11:00etan errotari buruzko hitzaldia izanen da Herriko Etxeko estalpean. Ondotik, errotarako egin den bideo berriaren aurkezpena eginen da. Gero, errotara bisita gidatua eginen da eta akitzeko, talo-jatea ardo eta sagardoarekin. Inguruak alaitzeaz trikitilari eta panderojoleak arduratuko dira.
Datozen urteetan bertze errotetara hedatzeko asmoa
Besta hau aurten Zubietan eginen bada ere, hurrengo urteetan errota duen bertze herriren batean egitea da asmoa. Izan ere, eskualdean hainbat errota daude martxan: Amaiur, Etxalar, Bera, Senpere, Urdazubi...