Hirugarren adinekoei zuzendutako zentroetan inbertsioak egiteko eta oztopo arkitektonikoak kentzeko Nafarroako udalei zuzendutako dirulaguntza deialdia ebatzi du Nafarroako Gobernuak.
Ur beroaren depositoa Lesakako Andre Mari Zahar Etxean
Lesakako Udalak 5.959,85 euroko dirulaguntza jasoko du, Andra Mari Zahar Etxean ur beroaren depositoa egiteko. Lan honen aurrekontua 9.933,08 eurokoa dela kontuan hartuz, %60a ordainduko du Nafarroako Gobernuak.
Goizuetako Jubilatuen Elkarterako ekipamendua
Goizuetako Udalak, Jubilatuen Elkarterako ekipamendua eskuratzeko 1.371,95 euroko dirulaguntza jasoko du. Aurrekontua 2.102,15 eurokoa zela kontuan hartuz, Iruñetik etorriko den subentzioak %65 pasatuxea ordainduko du.
Leitzako Udalari ukatu
Leitzako Udalak egina zuen eskaria, aldiz, ez du onartu Nafarroako Gobernuak.