Bidelan-Kirolgi taldea utzi eta Orbea-Oreka SDA taldean ariko da hurrengo denboraldian Joseba Larralde Berako txirrindularia. Hala, afizionatuen maila utzi eta profesionaletan ariko da, Euskaltel-Euskadirentzat lanean ari den Orbea-Oreka SDA taldean, Alvaro Gonzalez de Galdeanoren aginduetara.
Denboraldiko errebelazioa
Bikain ibili da denboraldi honetan Joseba Larralde. Bera izan dira, bertzeak bertze, 23 urtez beheitikoetan Nafarroako txapela, eta Bidasoako Itzulian lehenbiziko euskaldunaren maillota jaso zuen. Horrez gain, beretzat izan da Diario de Noticias egunkariak urtero ematen duen Challenge Citroën San Migel saria. Denboraldiko Nafarroako txirrindulari afizionaturik erregularrena saritzen dute aipamen honekin eta bigarren sailkatuari alde haundia ateraz etxeratu du Larraldek saria. Guztira 467 puntu eskuratu ditu.