Iparraldeko Bertsularien Lagunak Elkarteak azken urteetan egindako lanari esker aurten, lehen aldikoz, Iparraldeko Txapelketa antolatu du. Udazken honetan hamasei bertsolari lehiatuko dira hiru kanporaketetan.
Txapelketa larunbatean, urriak 18, abiatuko da, Donibane Garazin jokatuko den lehen kanporaketan. Saioa zineman izanen da. Bigarren kanporaketa Luhuson eginen da urriaren 25ean, Kultur Aretoan, eta azken finalaurrekoa azaroaren 2an Urdiñarbeko Udal Animazio Zentroan. Final haundia, berriz, azaroaren 15ean jokatuko da Jai-Alain.
Adin guztietako bertsolariak ariko dira lehian:
Mixel Aire Xalbador II.a (Urepel, 1944)
Karlos Aizpurua (Sara, 1971)
Xan Alkhat (Maule, 1982)
Odei Barroso (Urruña, 1988)
Maddalen Arzallus (Hendaia, 1980)
Miren Artetxe (Hendaia, 1985)
Amets Arzallus (Hendaia, 1983)
Sustrai Colina (Urruña, 1982)
Ekhi Erremundegy (Baiona, 1989)
Gillen Hiribarren (Itsasu, 1988)
Patxi Iriart (Hiriburu, 1988)
Mizel Mateo (Bidarrai, 1988)
Xumai Murua (Azkaine, 1985)
Kristiñe Txoperena (Hendaia, 1990)
Eneritz Zabaleta (Baiona, 1984)
Egoitz Zelaia (Hendaia, 1982).