Joan den urriaren 5an jokatu zen Arrutenea Etxea izeneko lehen esku pilota txapelketa. Txapelketa hau antolatzeko ideia Miguel Mari Latasarena izan zen eta horretarako Antton Espelosinen laguntza izan du.
Igande arratsaldearekin jokatu ziren lau pilota partidak Arrutenea Etxeak atzekaldean duen frontoi ttikian. 17:00etan hasi eta buruz-buruko lau pilota partida ikusi ahal izan genituen.
Honela gelditu ziren emaitzak:
Enaitz Telletxea (Igantzi) 18, Pello Migelarena (Bera) 15
Julen Juankorena (Sunbilla) 18, Iker Espelosin (Sunbilla) 15
Ander Errandonea (Bera) 18, Andoni Espelosin (Sunbilla) 13
Iñaki Azpiroz (Irurita) 18, David Albiasu( Narbarte) 17.
Pilotari guziei beren sariak eman ondoren, luntxa izan zen bertara hurbildu zen jende guztiarentzat.