Doneztebeko Txistulari Eguna ospatuko da larunbat honetan, urriaren 11n eta horretarako egitarau zabala prestatu dute Doneztebeko txistulariek, Udalaren laguntzarekin.
Egitarau zabala
Goizeko 9:30ean txistulariak Merkatuko Plazan elkartuko dira. 10:00etan dianak joko dituzte herriko auzoen barna eginen duten ibilaldian. 11:00etan gosaltzera bilduko dira, indarrak hartzeko. 12:00etan kalejira eginen dute eta txistu-poteoa herriko karriketatik. 14:00etan bazkaria izanen dute eta arratsaldean egitarau librea izanen da, hori bai, beti ere txistuaren laguntzaz.
Informazio gehiago nahi izanez gero, doneztebeko_txistulariak@yahoo.es helbidera idazten ahal da.