Bertze urte batez segidan, Euskararen Eguna antolatu dute zubietarrek urriaren 11rako. Egun osoko egitaraua antolatu dute, larunbat goizean hasi eta hurrengo eguneko goizaldera arte.
Goizean, 10:30etik aitzinera, herriko artisauek euren lanak erakusgai paratuko dituzte: egurra, jertseak, zeramika eta bertzelako gaiak nola lantzen dituzten ikusteko modua izanen da. Erakusketa 12:00ak arte egonen da zabalik. 11:30ean joaldunen txanda izanen da eta karriketan barna ibiliko dira joare soinuekin bazterrak alaitzen. Eguerdian, 12:00etan, herri kirolak izanen dira eta ondotik herri bazkaria eginen da.
Arratsaldean herriko ttikienak izanen dira protagonistak. 17:00etan hasita antzerkia izanen da eurentzat. Egunari behar bezalako segida emateko, berriz, afaria eginen da 22:00ak aldera eta gauerditik aitzinera Garraxi musika taldearekin dantzaldia izanen da.