Nafarroako Gobernuak kirol instalazioetan konponketa lanak egiteko dirulaguntzak onartu ditu Nafarroako hainbat herrietarako. Horien artean daude Malerrekako bi: Beintza-Labaien eta Doneztebe, hain zuzen. Bien artean 103.058 euroko dirulaguntza hartuko dute. Beintza-Labaienen kasuan, 68.041 euro hartuko ditu Udalak eta pilotalekua estaltzeko erabiliko du diru hori. Donezteberen kasuan, berriz, 35.017 euro jasoko dira eta pilotalekuko frontisa eraberritzeko izanen da diru hori.