Udalak Gazte Burrunba Kultur Taldearen eta ostatuen laguntzarekin antolatuta, ortziral honetan, hilak 19, hasi eta igandean, irailak 21, akituko dira Besta Ttikiak.
Ortziralean, 20:00-etan botako duten altxaferoarekin hasiko dira. Ondotik Bear Zana txarangarekin kalejira izanen da. Afaltzeko tenorean, zopa jatea eginen da jatetxeetan. Gauerdian, 01:00etatik 04:30era dantzaldia izanen da Laiotz taldearekin Santa Luiza Plazan. 06:30ean zingar jatea Merkatu Plazan.
Larunbatean, 09:00-etan diana izanen da Bear Zana txarangarekin. 11:00etan Gorriti eta bere animalien ikuskizuna. 13:00etan egitarauan hutsik egiten ez duen paella lehiaketa eginen da eta ondotik bazkaria. Arratsaldean, 17:00etatik aitzinera, txiste eta joku txapelketa eginen da eta ondotik triki poteoa. Gauez, 20:00etatik 22:00etara eta 01:00etatik 04:30era dantzaldia izanen da Jalisko Band taldearekin Santa Luzia Plazan. 21:00etatik 22:00etara dantza lehiaketa.
Igandean 17:00etan haurrentzako dantzaldia, Hoy fiesta taldearekin.
Ortziral ilunabarrean botako den txupinazoarekin hasiko dira
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun