Jokin Arman eta bere emazte Trini Mikelarena margolari beratarraren margolanak ikusgai daude Irunen, abuztuaren 12tik 24ra, Colon pasealekuko 13. zenbakian, Euskadiko Kutxak duen bulegon. Abuztuaren 12an egin zen inaugurazio ekitaldia eta bertan izan zen Nestor Basterretxea handia ere. Abuztuaren 24a bitarte, egunero-egunero zabalik izanen da erakusketa, arratsaldeko 18:30etik 21:00etara.
Ingurumena zaintzeko margoak
Jokin Arman artistak, urera egindako olio-lanak aurkezten ditu Irunen. Teknika honetan aintzindaria da eta utsagarriak ez diren materialak erabiltzen ditu. Pintzelak garbitzerakoan ere ura bakarrik erabiltzen du. Bere margolanek ere, paisaiak eta abstrakzioak txandakatuz, eta pintzelada espresionistak tarteko direla, ingurumena zaintzeko mezua gordetzen dute bere baitan.