Uda sasoian Donostian musika klasikoaren inguruan hamabostaldia antolatzen dute. Musika mota hau jende guztiarengana ailegatzeko asmoz, herri ezberdinetan hainbat kontzertu proposatzen dituzte. Aurten Etxalarko Udalari luzatu diote eskaintza musikaldian omendu behar dituztenak kontuan hartuz. Alde batetik, Pablo Sarasate konpositorea omenduko dute. Gainera, Carmen operaren mendeurrena denez, bertako protagonistari omenaldi ttiki bat egin nahi diote. Azken hau da Musikaldia Etxalarrera ekartzeko arrazoia, hau da, Carmen protagonista Etxalarko alaba delako.
Ara Malikian
Honela ortziralean, abuztuaren 8an bi ikuskizun izanen dituzte Etxalarren. Lehenik, 20:00etan Ara Malikian Ensembleren Sarasateri omenaldia kontzertuaz gozatzeko aukera izanen da Elizan. Aipatzekoa da Ara Malikian bibolinjole armeniarra Munduko artista handienetakoa dela musika-tresna honekin.
Carmen filma ondotik
Ondotik, 22:00etan Francesco Rossi italiarraren Carmen filma izanen dugu ikusgai frontoian.