Igandean, abuztuaren 10ean, eguerdiko 12etan botako den suziriarekin abiatuko dira aurtengo San Tiburtzio bestak. Dena den, larunbatetik somatuko da besta giroa eta hainbat ekitaldi izanen dira.
Honela, 18:00etan herritarren arteko Herri Kirol desafioa jokatuko da.
23:00etatik 1:00etara Kontzertuak izanen dira KASKEZUR eta KALAPITE taldeekin.
1:00etan dantzaldia izanen da JALISKO BAND taldearekin eta atsedenaldian, Kantzontzillo eta braga lasterketa.
Igandean txupinazoa
Abuztuaren 10ean, igandean, 12:00etan suziria botako da Herriko Etxetik, ofizialki bestei hasiera emanez.
17:00etan Sunbillako dantzariak ariko dira plazan.
19:00etan VII. Ramon Latasa aizkora saria jokatuko da.
20:00etan dantzaldia izanen da TRIKIDANTZ taldearekin.
21:00etan Zopak Ulibeltzak elkartean trikitilariekin.
1:00etan dantzaldia izanen da TRIKIDANTZ taldearekin.
Atsedenaldian, Sagar dantza izanen da.
Astelehenean San Tiburtzio eguna
Abuztuaren 11n, astelehenean, 9:30etan argi soinuak joko dituzte txistulariek.
11:00etan Tiburtzio Deunaren ohorez Meza Nagusia izanen da.
12:15ean Sunbillako dantzariak ariko dira plazan eta ondotik, hameketakoa eskainiko da.
18:30ean Herri Kirol jaialdia arpanlari, harri-jasotzaile eta aizkolariekin.
Ondotik, herritarren egur mozte txapelketa jokatuko da aitzurrarekin eta haurren aizkora erakustaldia ere izanen da.
20:00etan dantzaldia izanen da TRIKIDANTZ taldearekin.
22:30ean su artifizialak izanen dira Astondoa pirotekniaren eskutik.
1:00etan dantzaldia izanen da TRIKIDANTZ taldearekin. Atsedenaldian, Txotx lehiaketa eginen da.
Asteartean pilota txapelketako finalak
Abuztuaren 12an, asteartean, 9:30ean, argi soinuak izanen dira trikitilariekin.
10:00etan txirrindulariak.
11:45ean Sunbillako IV. Pilota txapelketako finalak jokatuko dira.
15:00etatik 19:00etara Haurrentzako puzgarriak eta ludoteka izanen dira.
17:00etan trikitixa jaialdia izanen da.
18:00etan Profesionalen arteko pilota partida jokatuko da.
Arratsaldez eta gauez dantzaldia izanen da AGERRALDE akordeoilariarekin.
Atsedenaldian, Zapel tiraketa.
Asteazkenean koadilen eguna eta ortzegunean hondarrekoa
Abuztuaren 13an, asteazkenean, 9:30ean argi soinuak izanen dira trikitilariekin.
13:00etan Kuadrilen arteko jokoak izanen dira, ginkana baten bidez.
14:30ean Kuadrilek bazkaria izanen dute Ulibeltzak Elkartean.
17:00etan Plater-Tiroketa jokatuko da.
Arratsaldez eta gauez dantzaldia izanen da GAUBELA taldearekin.
Atsedenaldian Zanahoria pasatzea.
Abuztuaren 14an, ortzegunean, egunero bezala, 9:30ean Argi Soinuak izanen dira trikitilariekin.
10:00etan mus txapelketa jokatuko da.
11:00etan Haurren I. Herri Krosa eginen da eta ordu erdi beranduago, helduena.
14:00etan Jubilatuen bazkaria eginen da Ulibeltzak Elkartean.
Ondoren, Dantzaldia AGERRALDE akordeoilariarekin.
18:00etan Toka, aitzur eta zartana txapelketa jokatuko dira.
22:00etan herri afaria eginen da plazan. Ondoren Kantu Zaharrak abestuko dira.
Arratsaldez eta gauez dantzaldia izanen da GAUBELA taldearekin.
Goizaldeko 4:00etan Alkoholemia proba eta GAIXOA NI izanen dira, bestak akitzeko.