Doneztebe Ak eta Irurita Bk jokatuko dute Baztan-Errekako hogeita bederatzigarren laxoa txapelketaren finala igande honetan, abuztuaren 3an, goizeko 11:30etik aitzinera Doneztebeko Bear-Zana pilota plazan.
Finaleko protagonistak
Etxeko taldearekin, Doneztebe Arekin, Felipe Ganboa, Peio Iribarren, Joxe Mari Antzizar eta Jesus Mari Zabala ariko dira. Irurita Brekin, Joseba Urtasun, Gorka Urtasun, Jesus Etxenike eta Xabier Ripa ariko dira.
Hirugarren posturako lehia larunbatean
Hirugarren posturako norgehiagoka, berriz, plaza berean jokatuko dute Irurita Ak eta Oitz Ak, larunbatean, abuztuaren 2an, arratsaldeko 5etatik aitzinera. Oitz A taldearekin Sergio Fagoaga, Lander Mendiola, Iñaki Mendiola eta Juan Mari Mindegia ariko dira eta Irurita A taldearekin Jorge Azkarate, Igor Urrutia, Andres Elizaintzin eta Iñaki Etxandi.