Iberdrola argindar enpresatik jakinarazi dutenez, Etxalarren heldu den astelehenean, uztailaren 21ean, argia kenduko dute arratsaldeko 14:00etatik 18:30era.
Zerbitzuaren kalitatea hobetzeko
Iberdrolak etxez etxe banatu duen orriaren arabera, beraien instalazioetan lanean ari dira, zerbitzuaren kalitatea hobetzen segitzeko. Horretarako, hornidura elektrikoa denboraldi baterako eten beharko dute. Dena den, lanak arratsaldeko 18:30ak baino lehenago bukatzen badira, zerbitzua berehala jarriko dute berriz, aldez aurretik abisurik eman gabe. Beraz, etxalartarrak jakinaren gainean daude, heldu den astelehen arratsaldean, lau ordu terdiz, ez dute argindarrik izanen.