Herritarren behar bati erantzunez, urte bat eta hiru urte arteko umeentzako Haur Eskola eraikiko da heldu diren bortz hilabeteetan. Hala erabaki zuen Doneztebeko Udalak maiatzaren 27ko plenoan eta 285.000 euroren truke Jaunaga Eraikuntza enpresak eginen ditu lanak. Haur Eskola azaroan edo abenduan zabaltzeko prest egonen dela aurreikusi dute Herriko Etxetik.
45 haur hartzeko prestatua egonen da Haur Eskola berria eta uztail hasieran zabalduko dute izen emateko epea. Horretarako Malerrekako Mankomunitatearen barne dauden herrietako haurrak izatea ezinbertzeko baldintza izanen da.