Nafarroako Gobernuko Gobernuko Herrilan, Garraio eta Komunikabidetako Departamentuak jakinarazi duenez, aste honetan, bi egunez erabat moztuko da N-121A errepidea Endarlatsa ondoan, leherketak egin behar direlako.
Asteartean 12:30etik 12:45era
Zehazki asteartean, maiatzaren 27an moztuko da errepidea ordu laurden batez, eguerdiko 12:30etatik 12:45era, errepideko 69,150 eta 70,150 kilometroen artean.
12:00etatik 14:00ak bitartean ordu laurden batez ortzegunean
Ortzegunean, maiatzaren 29an, berriz, ordutegia ez dute hainbertze zehaztu eta eguerdiko 12etatik arratsaldeko 14:00ak bitartean, bertze ordu laurden batez erabat itxiko da bidea, 72,750 eta 73,150 kilometroen artean.
Txandakako pasabidea
Gainera, egunero bezala, hainbat zatitan txandakako pasabidea emanen da errepide honetako obrengatik, goizeko 8:00etatik arratsaldeko 19:00etara. Horregatik, bidai luzea dutenek A-15 autobidea erabiltzea eta bertzenaz, ordezko bideak aukeratzea aholkatu dute Nafarroako Gobernutik, baita kontuz eta seinaleak errespetatuz ibiltzea. Nafarroako errepideei buruzko informazio eguneratua topatu daiteke www.cfnavarra.es/obraspublicas web orrian edo 900 400 100 doaneko telefono zenbakian.