Igande honetan, maiatzak18, ospatuko da Trinitate edo Mendaur Eguna. Iturendik eta Arantzatik ez ezik, Sunbillatik ere jende dezente joaten da egun horretan Mendaurko ermitara, batzuk meza entzutera, bertzeak ermitari hiru bira eman eta desioa eskatzera, edo bertzerik gabe mendira joatea gustatzen zaienak ere aprobetxatzen dute egun hori. Garai batean egun horretan musika izaten zen herrian, baina urteak dira ohitura hori desagertu zela, pena da baina… Iturenen oraindik egiten da, eta nahi duenak harat joan beharko du.