Ekainaren 21ean bortz urte beteko dira BERRIA egunkaria sortu zenetik. Jai haundia iragarri dute egun horretarako, baina bitartean, hainbat ekitaldi egiten ari dira Euskal Herrian barna, eskualdez eskualde. Baztan, Malerreka eta Bortzirietako ekitaldia, maiatzaren 7an egin zen Kultur Etxean. BERRIA sortzen herritarrek egindako lana eskertzeaz gain, aitzinera begirako proiektuak aurkeztu zituen Martxelo Otamendi BERRIAko zuzendariak. Ondotik egindako mokaduarekin eman zioten akabera ekitaldiari.