Nafarroako Gobernuak antolatutako Eskola Ibiltariak 2008 programaren barne, eskolako ikasleak Granadara (Andaluzia, Espainia) joanen dira heldu den maiatzaren 27tik ekainaren 2ra. Gobernuaren ekimen hau seigarren mailako ikasleei bideratua dago, baina Iturenen kasuan bortzgarren eta seigarren mailako ikasleek izanen dute joateko aukera. Gaztelania praktikatzea da helburua, eta egitasmoa aitzinera eramateko guztira 2.777 euroko laguntza jasoko dute.
Ikasleek doan izanen dute dena: ekintzak, egonaldia, bidaia... Madrilera autobusez joanen dira eta han trena hartu ondotik ailegatuko dira Andaluziara. AIpatu, Areso eta Madrilgo talde batekin ibiliko direla han. Dagoeneko bertze ikasleekin harremanak hasiak dituzte eskutitz eta posta elektroniko bidez, eta ziurrenik familietan banatuko dira.