Alfonso Ariztegi Aldabe 55 urteko urroztarra lan istripuan hil zen apirilaren 7an, Lesakan, mendiko lanetan zebilela zuhaitz baten adar haundi batek azpian hartu zuenean. Bazkaltzera agertu ez zela ikusita, lankideak kezkatu eta bila joan ziren. Larri topatu zuten eta larrialdi zerbitzuei deitu zieten. Istripua Antxumategi aldean gertatu zen eta harat joatea zail egin zitzaien larrialdi zerbitzuei. Helikoptero medikalizatua ere bidali zuten, baina ez zen deus egiterik izan. Lesakako Osasun Zentrora bidean hil zen.
Basogintzan egiten zuen lan, eta Lesakako Maderas Etxebeste lantegiak azpikontratatua zen. Heriotz hau salatzeko, Lan istripu gehiagorik ez! lemapean Lesakako Plaza Zaharrean elkarretaratzea egin zuten hilaren 9an LABek deituta.