Abenduan egitekoak ziren Kultur Egunak bertan behera gelditu baziren ere, Ibintza Kultur Taldeak apirileko asteburuetarako hainbat ekitaldi prestatu ditu. Larunbat honetan, apirilak 5, zabalduko da Kultur Egunetako egitaraua, Jagoba Manterola argazkilariaren erakusketarekin. Iturengo argazkiak izanen dira ikusgai, zaharrak nahiz berriak.
Apirilaren 12an, larunbata, Herriko Ostatuan bertso afaria izanen da Xabier Amuriza, Jon Barberena eta Aitzol Barandiaran bertsolariekin. Izena emateko zerrendak harategian eta ostatuan jarriko dituzte. Eta azkenik apirilaren 18an, ortzirala, talo jatea izanen da eta ondotik kantaldia Oiartzungo Oinutsik taldearekin.