Idazleen Biltzarra bazko astelehenarekin ospatuko da, eta aurten 25 urte beteko ditu. Usaian bezala, 110 bat idazle, argitaletxe, elkarte eta egunkari bilduko dira kiroldegian. Berrikuntza gisa, margo eta argazki erakusketa Lurberri gelan izanen da ikusgai. Aurtengo Biltzarreko Saria Xipri Arbelbide eta Txomin Peilleni emanen zaie. Eusko Ikaskuntzako dirulaguntzak eta bekak ere egun horretan banatuko dira ikertzen ari diren 10 gazteri. Bestalde, Piarres, Charritton, Jon Casenave eta Henri Duhauren azken liburuak aurkeztuko dira. Biltzarra goizeko 10etan hasiko da, eta ateak 17:00etan hetsiko ditu.