Larunbat honetan, urriaren 9an, eginen da Zubietako Euskararen Eguna. Goiz osoan herriko eskulangileen erakusketa izanen da plazan. Eguraldiak laguntzen ez badu, estalpean eginen da ekitaldi hau. Herriko joaldun ttikiek herrian barna itzulia eginen dute goizean, trikitilariek herria girotuko duten bitartean. 14:30etan herri bazkaria izanen da estalpean, Iñaki Murua eta Beñat Lizaso bertsolariekin eta Gorka akordeolariarekin. 18:30etan herri poteoa izanen da eta 20:00etatik 21:30etara dantzaldia Trikidantz taldearekin. Dantzatu ondoren, berriz ere mahaiaren bueltan bilduko dira zubietarrak, herri afaria izanen baita estalpean. Gauerditik goizaldeko 4:00etara dantzaldia izanen da Trikidantz taldearekin.