Asteburu honetan, martxoaren 1 eta 2an eginen da Doneztebeko bigarren stock feria. San Migel eskolako frontoian Doneztebarrak Merkatarien elkarteko komertzioek arratsaldeko 4etatik 8etara irekiko dituzte ateak larunbatean eta goizeko 11etatik eguerdiko ordubi terdietara eta arratsaldeko 4etatik 7etara igandean. Doneztebarrak elkarteak, Doneztebeko Udalaren eta Rural Kutxaren laguntza du ekitaldi antolatzeko, eta aurrezki kutxa honen Komertzio txartelarekin erosiz gero, %5eko deskontua izanen du gainera.
20 komertzio
Hauexek izanen dira parte hartuko duten komertzioak: Cosas de Casa, Alustiza perfumeria, Amaya lurrindenda, Honorio Taberna arropadenda, Kamamila gazte arropa, Txirrista haur arropa, Lakambra Husqvarna Bosque y Jardín, Argibel Optika, Taberna Etxea, Saldias harategia, Onddo ta punto, Jose Luis San Miguel tailerrak, Merkaopari, Inmobiliaria Santesteban, Goxua Goxotegia, Ameztia jatetxea, Lakar Etxea, CTV Albaitaritza, Zaldua argazkidenda eta Santamaria jatetxea.
Egitarau zabala
Egitarauari dagokionez, martxoaren 1ean, larunbatean, arratsaldeko 4etan inaugurazio ekitaldia eginen da, zinta mozketa, txistu eta aurreskuaren dantzarekin. Arratsaldeko 5etan bertsolariak ariko dira eta arratsaldeko 6etan “Lamiak” trikitilari taldea. Igandean, berriz, goizeko 11etan trikitilariak herrian barna ibiliko dira eta ibilaldia ferian akituko dute. 12:30ean batuka dantzak izanen dira Rebeka eta bere neskekin eta arratsaldeko 5:30ean haurren tailerrak. Aipatzekoa da larunbat eta igandean taloak ere salduko direla.