Bertizko Naturaren Azalpen Zentrotik azaroaren 6an Txingudiko badia eta Plaiaundiko natur parkera ateraldia antolatu dute. Bertako lekurik politenak eta Hondarribia ezagutzera joanen dira. Autobusa goizeko 8:45etan aterako da Elizondotik eta 9:00etan Doneztebetik pasatuko da jendea jasotzeko. 10:00etan kaferako geldialdia eginen dute eta 10:30etan ailegatuko dira Plaiaundiko parke ekologikora, hegaztien pasa ikusteko. 12:00etan Txingudiko landaretza ikusteko paseoa emanen dute bidaiariek. 13:30etan bazkalduko dute. 16:00etan Tximiletaren museora bisita egiteko edo itsasoan barna txalupan ibiltzeko aukera emanen da. 18:00etan abiatuko da autobusa bueltan. Izen ematea urriaren 31 baino lehen egin behar da (948 592421).