Nafarroako Gobernuko Hezkuntza Departamentuak 3.309.130 euroko dirulaguntza emanen die hainbat udalei, Nafarroako ikastetxe publikoetan egin beharreko konponketa eta mantenimendu lanetarako.
Eskualdeko ikastetxetara 175.230,63 euro bideratuko dira. Zehazki, Baztango udalak 17.597,34 euro jasoko ditu Iruritako lokal bat ikasgela gisara antolatzeko eta bertze 42.420 euroko laguntza Arizkungo eskolarako; Lesakako Udalak 54.413,29 euro eskuratuko ditu Irain eskolako jangelako teilatua moldatzeko eta bertze elektrizitate eta pintura lanetarako; Etxalarko Udalak, azkenik, 60.800 euroko laguntza eskuratuko du Landagain eskola publikoa handitzeko.