Abenduaren 24 bazkal ondoan herriko haur eta gaztetxoak baserritar jantzia jarri eta 15:30ak aldera Aurtizko elkartean bildu ziren trikitixa, pandereta eta kantuz urtero bezela herriari ohiko itzulia egiteko. Hotzari aurre eginez eta haurtxoen ilusioz itzuli polita egiten zuten. Arraltsaldean bildutako goxoki, pasta… aurrerantzean berendu goxo bat eginen dute elkartean. Aurte 2 olentzero bizidun izan dira Xabier eta Aimar. Eta xintxo bete zuten ibilbidea.
Laster Errege bezpera
Olentzero, Eguberri eta Urtezaharreko ospakizunen ondotik, Errege bezperako ospakizuna gelditzen zaigu. Errege bezperan arratsaldez herriko mutil gaztetxoak joareak jarri eta herriari buelta emanen diote. Ilunabarrean berriz, Iturengo ostatuan afaria izanen da eta afalondoren Ibintza kultur taldeak urtero prestatzen duen zozketaren zenbaki saridunak jakinaraziko ditu. Eta ohiturak ez galtzeko joariak jarri eta iñauterietan bezela Aurtiz, Zubieta eta Iturenen itzulia emanen dute joaldun guztiek elkarrekin.