Aurtengoan lehenbiziko aldiz elkartu zaizkigu Doneztebeko Agorreta Musika Eskolako ikasle eta irakasleak eta Mendi Abesbatzako kideak Gabonetako Kontzertu Berezia eskaintzeko. Abenduaren 21ean bilduko dira guziak Doneztebeko San Pedro elizan arratsaldeko 20.30ean, sasoi honetako doinuak abestu eta jotzeko asmoz.
Emanaldia hasteko, Agorreta Musika Eskolako ikasleek beren instrumentuak astinduko dituzte eta segidan, Mendi Abesbatzak Gabon Kantak abestuz bere saioa eginen du.
Kontzertuaren bigarren zatian berriz, guziak elkartu eta bertaratuko direnen belarriak goxarazteko Atozte Kristauak, Haurrak Lotarazteko Soinua eta Ator-Ator bezalako doinu hunkigarriak eskainiko dituzte.
60 lagun eskenatokian
Guztira 60 lagun inguru igoko dira eskenatoki gainera, tartean txistulariak, klarinete jotzaileak, pianojoleak, eskusoinujoleak, abeslariak eta bakarlari ugari izanen delarik, dudarik gabe entzuleak gozatuaraziko dituen aparteko emanaldi honetan.