Azaroaren 3an jokatu ziren emakumezkoen eta gizonezkoen Euskadiko koxkor biltze Txapelketak, Bilboko Casilla kiroldegian. Lehenik emakumezkoen lehia jokatu zen. Hiru koxkor biltzailek parte hartu zuten emakumezkoen txapelketan; Maika Ariztegi iturendarrak, Nahiara Ferranek eta Itsaso Hernandezek.
Saioa hagitz ongi hasi zuen Maikak, baina lau saskiratzetan huts egin ondotik ezin izan zuen aitzineko marka hobetu. Lehengo marka hagitz ona zuen (7:23), baina oraingoan ezin izan du hobetu (7:28). Hala ere Emakumezkoetan seigarren txapela jantzi zuen Maika Ariztegik. Zorionak