Azaroaren 17an Euskara Mankomunitateak antolatutako Gogoeta Eguna egin zen Kultur Etxean. Bortzirietako 20 bat euskaltzale bildu ziren eskualdean euskara sustatzeko zer egin behar den hausnartzera. Zigor Etxeburua Kontseiluko kidea aritu zen koordinatzaile lanetan eta puntu franko eztabaidatu ondotik, ondorioak atera eta euskararen normalizazio-prozesurako pausuak zehaztu zituzten. Aitzineko bi asteetan, Lesakan eta Beran izan ziren hitzaldiak. Etxalarkoak bukaera eman zion jardunaldi sortari.