Maiatzeko uholdeek eragindako azpiegitura kalteak moldatzeko dirulaguntza jasoko dute Ezkurra, Eratsun eta Saldiasko Udalek. Nafarroako Gobernuko Toki Administrazioak emandako laguntzak gastuak bere osotasunean ordainduko ditu.
Ezkurrako Udalak 15.371 euroko dirulaguntza hartuko du, Olaldetik Oletara doan bidea eta Baztanea etxearen ondoko pareta moldatzeko. Eratsungo Udalak 19.661 euro jasoko ditu, Iruñarriko errepikagailua eta bidea moldatzeko, alde batetik, eta Asurako bidea konpontzeko, bertzetik.
Saldiasko Udalak, azkenik, 13.956 euroko laguntza hartuko du, Urrutiña eta errotako bideak moldatzeko.