Duela sei urtetik ona, herriko gazteek frontoian dagoen taberna hartzen dute herriko bestetarako. Egun horietan lortzen duten diruarekin, herrian zenbait ekitaldi antolatzeko asmoa izaten dute. Joan den urtean, Korrikako kilometro bat ere erosi zuten, baina lehenik eta behin, tabernan lan egin duten guztiak elkartu eta bazkaria egiten dute.
Aurtengo bazkaria urriaren 6an egin zuten, Itturburu ostatuan, eta ondoren, elkarrekin pasa zuten arratsaldea giro ederrean. Hona hemen argazkia horren adibide.