Podiuma zapaldu gabe, baina sailkapeneko hirugarren postutik hagitz hurbil bukatu zuen Fernando Etxegarai beratarrak irailaren 23an jokatutako Zegama-Aizkorri Mendi Maratoiaren seigarren edizioan. Ikusmin haundia sortu zuen hitzorduak eta jende aunitz hurbildu zen ibilbide inguruan.
Laugarren gelditu zen Manttale taldeko beratarra, hirugarrenarengandik 2 minutu eta erdira. Guztira 4 ordu, 6 minutu eta 17 segundotan osatu zuen ibilbidea, Kilian Jornet kataluniarra irabazlea baino 9 minutu eta 18 segundo gehiago.
Munduko Koparako sailkapen nagusirako kontuan hartzen direnak zazpi kanporaketetako lehenbiziko lau denbora onenak izaten dira; baina Zegama-Aizkorriren kasuan lehen sailkatutako hamar gizonezkoen denborak hartu zituzten kontuan.