Aurtengo Joaldunen Eguna ez zuen izorratu xirimiriak. Urteroko ohiturari segituz, bestari hasiera emateko joaldunak eta trikitilariak Amezti auzoan baserriz-baserri ibili ziren, baserrietan pintxo batzuk janez. Eguerdi aldera herrira itzuli ziren GureTxokoa eta Igantziko taldeek prestatua zuten herri kirol erakustaldia ikustera. 15:00ak inguruan Herriko Etxeko Ganbaran bazkaria izan zen Xabier Amuriza eta Jon Maia bertsolariekin. Eta arratsaldez dantzaldia izan zen.